انڈونیشیا سانحہ: پچپن افراد کا تعلق کوئٹہ سے

آخری وقت اشاعت: پير 19 دسمبر 2011 ,‭ 16:03 GMT 21:03 PST

تین روز قبل انڈونیشیا میں کشتی سمندر میں الٹنے کے باعث دو سو سے زیادہ افراد ہلاک ہوئے تھے جن میں سے پچپن افراد کا تعلق کوئٹہ سے ہے۔
بلوچستان کے دارالحکومت کوئٹہ میں اس سانحے میں ہلاک ہونے والوں کے ورثاء نے حکومت سے پاکستانی شہریوں کی لاشیں وطن واپس لانے کا مطالبہ کیا ہے۔
تین روز قبل انڈونیشا سے ایک مسافر کشتی دو سو پچاس افراد کو لے کر آسٹریلیا جارہی تھی کہ راستے میں خراب موسم کے باعث سمندر میں الٹ گئی اور اس میں سوار دو سو سے زیادہ افراد ہلاک ہوگئے۔
ہلاک ہونے والوں میں زیادہ تر افراد کا تعلق پاکستان، افغانستان ، ایران اور عراق سے تھا جو غیر قانونی طریقے سے آسٹریلیا جانے کی کوشش کر رہے تھے۔
کشتی میں سوار ستر افراد کا تعلق کوئٹہ سے تھا جن میں پندرہ کو زندہ بچا لیا گیا جبکہ پچپن ہلاک ہوگئے۔ ہلاک ہونے والوں میں سے اکثر کا تعلق شیعہ مسلک اور ہزارہ قبیلے سے ہے۔
کوئٹہ میں ہلاک ہونے والوں کے لواحقین نے وفاقی حکومت سے ان کے رشتہ داروں کی لاشوں کو پاکستان لانے کامطالبہ کیا ہے۔ لواحقین کےمطابق جب سے کشتی الٹنے کی اطلاع آئی ہے ان کی نیندیں حرام ہوگئی ہیں۔
بلوچستان اور پاکستان کے دیگر صوبوں سے ہر سال ہزاروں کی تعداد میں لوگ روزگار کی تلاش میں غیرقانونی طریقے سے آسٹریلیا اور یورپ جانے کی کوشش کرتے ہیں اور ان میں سے کئی راستے میں نامساہد حالات کے باعث ہلاک ہو جاتے ہیں۔
اس بارے میں ایک شہری نے کہا کہ یہاں کوئی ادارہ انسانی سمگلنگ میں ملوث ایجنٹوں کے خلاف کاروائی نہیں کرتا۔ انہوں نے بتایا کہ لوگ اپنے گھربار فروخت کر کے اچھے مستقبل کی تلاش میں یہاں سے آسٹریلیا جانے کے لیے ایجنٹوں کو فی کس دس لاکھ روپے تک دیتے ہیں۔
کوئٹہ سے بی بی سی کے نامہ نگار ایوب ترین کے مطابق بلوچستان کی تحفظِ عزاداری کونسل کے صدر رحیم جعفری کا کہنا ہے کہ بلوچستان میں شیعہ اور ہزارہ قبیلہ کے لوگوں کو جس تیزی سے ٹارگٹ کیا جارہا اس وجہ سے لوگ جان بچانے کی خاطر آسٹریلیا اور دیگر یورپی ممالک جانے کے لیے یہ خطرناک راستہ اختیار کرتے ہیں۔
تاہم ہزارہ قبیلہ سے تعلق رکھنے والے صوبائی وزیِر تعلیم جان علی چنگیزی نے انسانی سمگلنگ کو ایک غیرقانونی عمل قرار دیتے ہوئے کہا کہ جو لوگ بھی غیرقانونی طریقے سے بیرون ملک جانے کی کوشش کرتے ہیں وہ اپنے خاندان اوراس ملک کے ساتھ ظلم کرتے ہیں۔ انہوں نے کہا کہ یہ درست ہے کہ پاکستان میں شیعہ اور ہزارہ برادری کو تحفظ حاصل نہیں ہے لیکن جب موت آتی ہے تو کہیں بھی انسان محفوظ نہیں ہے۔
یاد رہے کہ دو سال قبل بھی انڈویشا سے آسٹریلیا جاتے ہوئے ایک کشتی سمندر میں الٹ گئی تھی جس میں کوئٹہ سے تعلق رکھنے والے چھبیس افراد ہلاک ہوئے تھے لیکن آج تک اکثر کی لاشیں ورثاء کو نہیں ملی ہیں۔

BBC URDU

More than 50 were from Quetta in asylum seekers' death boat

Lekin - Talks About Baloachistan - 18 Dec 2011.avi

15 more survivors from asylum boat found

AFP called in to help after asylum seekers left for dead by boat crew

Pakistani Shia Muslims 'Ali Hassan' martyred by Wahhabi Terrorists

The Wahhabi armed terrorists on Saturday gunned down the Shia Muslim Ali Hassan in Srayab road area of Quetta.

(Ahlul Bayt News Agency) - According to informed sources, Ali Hassan was martyred by the Wahhabi terrorists of Sipah-e-Sahaba and Taliban in the area of Quetta at Saryab road.

He belongs from the Hazara Shia Community of Quetta and he was working at Sardar Akber Bugti’s Home as a Gatekeeper,The armed terrorist gunned down him just after the Maghrib prayers.

The genocide of Shia Muslims was continued in Quetta from three decades but the government has failed to arrest the terrorists and their patrons involved in the genocide and target killing of Shiite Muslims in Pakistan. especially in Quetta.

The body of martyred Ali Hassan in Balochistan Medical College Hospital received many bullets in his chest and head.

ABNA

TOLOnews 18 December 2011 PURSO PAL