Azaranica is a non-biased news aggregator on Hazaras and Hazarajat...The main aim is to promote understanding and respect for cultural identities by highlighting the realities they are facing on daily basis...Hazaras have been the victim of active persecution and discrimination and one of the reasons among many has been the lack of information, awareness and disinformation...... To further awareness against violence, disinformation and discrimination, we have launched a sister Blog for youths and youths are encouraged to share their stories and opinions; Young Pens

Saturday, November 12, 2011

برای اتحاد و انسجام مردم ھزارہ ھای کوئیٹہ یک جلسہ برگزار شدد

بروز جمعہ، تاریخ 11 نومبر، 2011، بعد از ظہر
دا امام بارگاہ ولی عصر (ع) ، ھزارہ ٹاون کوئٹہ ۔
برای سیکیورٹی (چوکیداری) سسٹم ھزارہ، و برای اتحاد و انسجام مردم ھزارہ ھای کوئیٹہ یک جلسہ برگزار شدد، کی کہ دا ازو جناب محترم سردار سعادت علی ھزارہ، میجر نادر علی، اشرف زیدی صدر شیعہ کانفرنس، صدر انجمن تاجران ھزارہ نظری صاحب، و دیگہ تمام بزرگان و سرچاندہ ھا، و نوجوانا شرکت کد د،
خلاصہ جلسہ:
دا ازو جلسہ گفتہ شدد کہ تمام سر چندہ ھای ھزارہ ھای کوئیٹہ دہ جناب سردار سعادت علی صاحب مکمل اعتماد کدہ، و از ھر چندہ نماییندے شی دہ ازی سیکیورٹی سسٹم شامل شدہ۔ و حالا تمام قوم متحد استہ۔
اول دا جلسہ نماییندہ ھای بروری دا بارے حالات ، مشکلات و مسائل بروری تورہ گفتہ، کہ
بروری مردم شی از لحاظ تعلیم، شرح خواندگی، معیار زندگی، سرکاری ملازمت و از لحاظ جیو پولیٹیکل از مری آباد و علمدار روڈ زیاد فرق درہ، مردم بروری دچار بسیار زیاد مسائل استہ و نسبتا از مری آباد کدہ اوتر شخصیات کم درہ کی مسائل مردم را دا متعلقہ حکام برسنہ، دہ پورہ آبادی بروری صرف یک سرکاری ھای سکول، یک ڈسپنسری استہ، باید سردارصاحب و دگہ بزرگان قوم برای بروری زیاد توجہ بیدہ۔
صدر انجمن تاجران جناب نظری صاحب گفتہ کہ ھر پروڈکٹ (ڈیجیٹل کیمرہ، موبائل فون۔ ۔ ۔ ) کی ھر کمپنی جور مونہ ، کد شی کتابچہ طریقے استعمال شی ام نوشتہ کدہ میلہ، باید کہ امو پروڈکٹ ھر رقم کی کمپنی گفتہ امو تر استعمال شونہ،
وختی کہ خدا انسان را جور کدہ ، برای شی کتاب (قرآن) ام نازل کدہ ، کہ مطابق شی باید زندگی کنہ، و تمام چیز اتحاد ، اتفاق، براداری و صمیمیت، و تمام مسائل تمام انسانھا و قوم ازمو دہ منےقران موجود استہ، مسلہ ای استہ کہ مو از قرآن دور شودے، و حالی باید بلے قران عمل کنی تا کہ یک مضبوط و سربلند قوم جور شونی۔
جناب سردار سعادت علی صاحب واقعے علمدار روڈ را وضاحت شی بیان کدہ گفت: کہ ھاشم نامی یک شرپسند، منشیات فروش کہ بچے ازو را 3 ماہ پیش پولیس زدہ بودہ می خاستہ کی منے آزرہ و پشتون فساد بر پا کنہ، کد 40 نفر دہ علمدار ورڈ امدہ فائرنگ کدہ، و دہ جواب شی جوانای ھزارہ فائرنگ کدہ کی 1 ازو شرپسندھا کشتہ و چند دیگے شی زخمی شدہ،
برای حل ازی فتنہ بزرگان پشتون کد سردار صاحب مزاکرات کدہ ، و از خاطر کہ اونا قصور وار بودہ، از سردار صاحب معافی خاستہ، و مسلہ حل شدہ۔
سردار صاحب گفت کہ ای بسیار زیاد قا بل افسوس استہ کہ یک سیاسی پارٹی خود ھزارہ(ایچ ڈی پی) دا ازی بابت دہ خلاف قوم ھزارہ و دہ حمایت شر پسند، منشیات فروش دہ اخبار جنگ بیان دہ دہ، ای کار ازی سیاسی پارٹی مثل بلے پای قوم کد تیشہ زدو استہ،
سردار صاحب ای سیاسی گروپ رہ دعوت دہ دہ کہ بایہ کد خود سردار روی دروہ ششتہ گب دیہ، دیگہ ایتر افسوسناک بیان دہ دہ ، حوصلے قوم رہ پست نکنہ، و منے قوم منافقت کدہ تفرہ ننداختہ۔
سردار صاحب گفتہ کہ برای معاشی بہتری خانودہ و بازماندگان شہدا باید زود اقدامات شونہ۔

جناب میجر نادر علی صاحب دہ بارے فائدے ازی چوکیداری سسٹم جوانان ھزارہ تورہ گفت:
گفت کہ اول فائدے ای استہ کہ بعضی فاسد عناصر(جنسی بے راہ رو) کہ برای کارغلط بازار و دیگہ جاے مورافت، و بعضی فاسد عناصر(جنسی بے راہ رو) کہ از دیگہ جاے دہ علمدار روڈ و مری آباد میمادہ، از خاطر ازی چوکیداری سسٹم جوانای ھزارہ تا کافی حد رہ روک تھام شدہ و جلو شی گرفتہ شدہ، و عزت و ناموس آزرہ حفاظت شی شدہ۔
و میجر صاحب گفتہ کہ ھر کس کہ دا خلاف ازی سیکیورٹی سسٹم آزرہ استہ، اونا کارو بار شی بڑوہ گری، منشیات فروشی استہ، کہ از خاطر ازی چوکیداری سسٹم جوانا ای غلط کاروبار شی متاثر شدہ و ازو خاطر دہ خلاف ازی سیکیورٹی نظام استہ و د اخبار وغیرہ بیان میدہ،
خدا قوم رہ اتحاد شی زیاد کنہ،
سردار سعادت صاحب رہ صحت بیدہ
وتمام افراد کی وقعا برای سربلندی قوم کار مونہ
کامیاب کنہ۔
والسلام۔

Jalwa E Sahar

No comments:

Post a Comment