Azaranica is a non-biased news aggregator on Hazaras and Hazarajat...The main aim is to promote understanding and respect for cultural identities by highlighting the realities they are facing on daily basis...Hazaras have been the victim of active persecution and discrimination and one of the reasons among many has been the lack of information, awareness and disinformation...... To further awareness against violence, disinformation and discrimination, we have launched a sister Blog for youths and youths are encouraged to share their stories and opinions; Young Pens

Monday, October 3, 2011

کوئٹہ: فائرنگ سے بارہ افراد ہلاک

زخمیوں کو بولان میڈیکل کمپلکس منتقل کیا گیا۔

بلوچستان کے دارالحکومت کوئٹہ میں نامعلوم افراد کی فائرنگ سے بارہ افراد ہلاک جبکہ سات زخمی ہوگئے ہیں۔

بی بی سی کے نامہ نگار ایوب ترین کے مطابق منگل کی صبح نامعلوم افراد نے کوئٹہ کے مغربی بائی پاس پر اخترآباد کے قریب ایک لوکل بس پر اس وقت فائرنگ کی جب وین میں سوار افراد ہزار گنجی سبزی منڈی کی طرف جارہے تھے۔

فائرنگ سے بارہ افراد ہلاک اور سات زخمی ہوئے ہیں جنہیں فوری طور پر کمبائند ملٹری ہسپتال (سی ایم ایچ) لے جایا گیا ہے۔

فائرنگ کے اس واقعہ میں ہلاک ہونے والوں کا تعلق ہزارہ برادری اور شیعہ مسئلک سے ہے۔

واقعہ کے بعد پولیس اور سکیورٹی فورسز کی بڑی تعداد موقع پر پہنچ گئی تاہم فائرنگ کرنے والے چار ملزمان دو موٹر سائیکلوں پر فرار ہوگئے۔

موقع پر کوئٹہ پولیس کے سربراہ حسن محبوب نے کہا کہ شہر کی ناکہ بندی کر کے ملزمان کی تلاش شروع کردی گئی ہے۔

فائرنگ کے اس واقعہ کی ذمہ داری اب تک کسی گروپ یا تنظیم نے قبول نہیں کی ہے۔ گزشتہ ماہ مستونگ کے فائرنگ کے واقعہ کی ذمہ داری کالعدم تنظیم لشکرِ جھنگوی نے قبول کی تھی۔

گزشتہ ماہ کی بیس تاریخ کو بلوچستان کے علاقے مستونگ میں شیعہ زائرین کی بس پر نامعلوم افراد کی فائرنگ کے نتیجے میں چھبیس افراد ہلاک اور متعدد زخمی ہوگئے تھے جبکہ زخمیوں کو ہسپتل منتقل کرنے والی گاڑی پر بھی فائرنگ کی گئی جس میں مزید تین افراد مارے گئے تھے۔

BBC URDU

No comments:

Post a Comment